《一個笑話》

A：你知唔知有咩一定係爛架？
B：唔知。
A：係GAG，GAG一定係爛嘅。
B：呢個笑話一啲都唔好笑。
A：就算一個笑話唔好笑都唔洗黑哂塊面卦？
B：聽完一個唔好笑嘅笑話唔通笑住對你呀？
A：一個笑話好唔好笑都好，笑一笑有幾難呀？
B：一個笑話唔好笑都要笑，你唔會覺得太好笑架？
……
（一小時後）
……
A：一個笑話就算唔算好好笑，你唔大笑都應該回以苦笑或傻笑或微笑！
B：一個笑話令到人咁痛苦，你仲要逼佢苦笑？你呢個笑話俾人聽到真係笑死人！
A：一個笑話唔好笑就要痛苦？我話係你唔肯笑先搞到自己痛苦，你個人本身先係一個大笑話！
B：你個人咁鍾意笑你自己笑飽佢啦！
A：你個人咁鍾意嬲你自己嬲飽佢啦！
B：哼！
A：哼！